Франция космосни забт этишда ўз ўрнига эга бўлиши керак — Эммануэл Макрон
Франция 2026 йилга қадар қайта ишлатиладиган мини-космик транспорт воситаларини яратиши керак. Бу ҳақда мамлакат президенти Эммануэл Макрон Елисей саройида “Франция-2030” янги сармоявий дастур тақдимотидаги чиқишида маълум қилди.
"Франция космосни кашф қилишнинг янги тенденциялари устида ишлаши, космосни забт этишда ўз ўрнига эга бўлиши керак. Бу соҳадаги суверенитетини таъминлаши, уни янги поғонага кўтариши, илғор технологияларни ишлаб чиқариши лозим. Шу боис мамлакат олдига қисқа муддатларда бажарилиши керак бўлган бир қанча мақсад-вазифалар қўйилган. Биз бу мақсадларимизга 2026 йилга қадар эришамиз, деб умид қиламиз", — деди Макрон.
У, шунингдек, микро ва мини сунъий йўлдошларни ишлаб чиқариш, улардан фойдаланиш, орбитал космик кемалар туркумининг янги авлодларини яратиш ҳамда космик соҳада янги хизматларни йўлга қўйиш кераклигини таъкидлади.
Бундан аввал Россия 2021 йилда нефт-газдан ўтган йилдагига нисбатан 50 миллиард доллар кўп даромад олиши кутилаётгани ҳақида хабар берилганди.
Насиба Тўхтаева
