Халқаро олимлар гуруҳи Сомон йўли марказидан чиқадиган ғайриоддий сигнални топди
Ушбу тўлқинлар маълум бўлган манбаларга мос келмайди ва улар юлдузли объeктларнинг янги синфини кўрсатиши мумкин, деб хабар беради "Ssi News".
Австралия Германия, АҚШ, Канада, Жанубий Африка, Испания ва Франция тадқиқотчилари икки йил давомида АСКАП радио телескопи ёрдамида осмонни ўрганди. Галактика марказида улар ғайриоддий ҳатти-ҳаракатларга эга бўлган ноёб объектни кашф этди: у дастлаб кўринмаган, кейинчалик ёруғлик кўринишида пайдо бўлган, сўнг яна ғойиб бўлган ва яна пайдо бўлган.
Бундан ташқари, унинг радио тўлқин сигнали бир йўналишда ўзгарган.
Объектнинг ёрқинлиги ҳам 100 марта кескин ўзгарган ва сигнал ўчган.
"Биз бундай нарсани аввал ҳеч кўрмаганмиз. Биринчи кўрганимизда уни пулсар — ўлик юлдузнинг жуда зич тури, деб ўйладик. Лекин бу янги манбадан келган сигналлар эди", — дейди Сидней университети физика факультети докторанти Житенг Ванг.
Насиба Тўхтаева
