Украиналик эркак рафиқасини ёқиб юборди
Италиянинг Монца шаҳрида асли украинлик бўлган эркак аёлини ёқиб юборди. Бу ҳақда “ Il fattoquotidiano” нашрига таяниб, “Московский комсомолец” хабар берди.
Маълум бўлишича, эр-хотин ўртасида низо чиққан. Шундан кейин эркак дўконга бориб бензин сотиб олган. Уйга қайтиб, уни рафиқаси устига сепган ва ёқиб юборган.
Аланга кир ювиш машинаси ва мебелни қамраб олган. Жабрланувчининг ўзи кучли жароҳат олмаган ва ҳозирда ҳаётига ҳеч нарса хавф солмаяпти. Полиция ва ўт ўчирувчиларни уларнинг катта ўғли чақирган. Айбланувчи ҳодисадан кейин қочиб кетган, аммо бир оз муддатдан кейин полиция томонидан қўлга олинган.
Бундан аввал Чилонзорда такси ҳайдовчиси йўловчи қизга зўравонлик қилгани ҳамда Киевда 50 ёшли педофил лифтда 9 ёшли иккита қизга ҳужум қилгани хабар қилинганди.
