Индонезияда бир марта ишлатиладиган буюмлардан музей ташкил этилди
Қайд этилишича, мазкур музей пляж ва сув ҳавзаларидан йиғилган 10 мингта елим халта ва идишлардан ташкил топган.
Дунё океани тобора чиқиндиларга тўлиб бораётгани бундай музейнинг ташкил этилишига асосий сабаб бўлди. Индонезиялик экологлар одамларни елим идишларга бўлган муносабатини ўзгартириш мақсадида музей ташкил этди.
Музейнинг марказий қисмида “Dеwi Сri” деб номланган ҳайкал бўлиб, у Ява халқи ибодат қиладиган фаровонлик маъбудаси саналади. Унинг узун кўйлаги этаги ҳам бир марта ишлатиладиган елим халталардан тикилган.
Эслатиб ўтамиз, бундан аввал Россияда ахлат сотиладиган дўкон очилгани ҳақида хабар берилганди.
Чўлпоной Аҳмедова
