“Tashkent city”даги дам олиш ва истироҳат боғи сотувга қўйилади
“Tashkent city” халқаро ишбилармонлик маркази Маъмурий кенгашининг тегишли қарорига мувофиқ, “Tashkent city” ҳудудидаги замонавий дам олиш ва истироҳат боғи баҳоланган қийматда очиқ танлов савдолари орқали сотиш режалаштирилган.
Бу ҳақда Давлат активларини бошқариш агентлиги хабар қилди.
Давлат тендер комиссиясининг тегишли қарорига асосан, объектни хусусийлаштириш ва ундан келгусида фойдаланиш бўйича “Мастер план” ишлаб чиқиш учун профессионал ташкилотни жалб этиш белгиланган.
Шунга кўра,
Давлат активларини бошқариш агентлиги “Tashkent city” ҳудудидаги замонавий дам олиш ва истироҳат боғини келгусида хусусийлаштириш ва ундан фойдаланиш талаблари, шунингдек, хусусийлаштириш шартлари ва шакллари бўйича “Мастер план” ишлаб чиқиш учун профессионал ташкилот танлаб олиш юзасидан танлов эълон қилди.
“Мастер план”даги тартиб ва талаблар Ўзбекистон Республикаси қонунчилигига мувофиқлиги, шунингдек, объектнинг соҳа ҳамда индивидуал хусусиятларини ҳисобга олган ҳолда ишлаб чиқилиши лозим.
Профессионал ташкилот “Мастер план”ни ишлаб чиқади. У бўйича барча зарурий хизматларни кўрсатади. Буюртмачи ушбу эълон билан профессионал ташкилот ва “Мастер план”га қўйиладиган дастлабки талабларни, шунингдек унинг таклифининг тузилишини ҳамда тегишли тартибда баҳоланишини белгилайди.
Маълумот учун: “Tashkent city” халқаро ишбилармонлик маркази дирекцияси” ДУК 2020 йилда ишга туширилган. Унинг умумий ер майдони: 23,4679 гектар. Бино ва иншоотлар умумий майдони эса 3 933 кв.М.
Таклифлар 2021 йил 25 октябргача қабул қилинади.
Эслатиб ўтамиз, жорий йилнинг 14 октябрь санасидан бошлаб “Tashkent city”га бепул бўлганди.
Баҳринисо Мадумарова
