Ироқда ёз ойида коронавирусдан вафот этган шахс депутат этиб сайланди
Ироқда муддатидан олдин ўтказилган парламент сайловларида овоз бериш натижаларига кўра, шу йилнинг ёзида коронавирусдан вафот этган Бағдодлик Ансам Мануел халқ депутати бўлди.
Бу ҳақда Al Arabiya телеканали маълум қилди.
Сиёсатчи пойтахт туманидан мустақил номзод сифатида қатнашган. Унга 2397 сайловчи овоз берди.
Аммо маълум бўлишича, депутат аёл аллақачон оламдан ўтган. Ёзда у коронавирус билан касалланиб, касалхонада бир ойдан кўпроқ даволанди ва август ойи охирида вафот этди.
Техник сабабларга кўра, марҳуманинг исми бюллетенлардан олиб ташланмаган, шунинг учун кўплаб сайловчилар унга овоз берган. Энди амалдаги қонунларга кўра, қўлга киритилган овозлар бўйича ундан кейинги ўринни эгаллаган номзод Ироқ парламентидан ўрин олади.
Аввалроқ, Парижнинг илк аёл мэри Анн Идалго Франция президентлигига расмий номзод бўлгани ҳақида хабар берилганди.
