Хитой тараққиёти НАТО учун хавф туғдирмайди — Хитой ТИВ
Хитой НАТОни мамлакат тараққиётини ижобий баҳолашга чақирди. Бу ҳақда Хитой ТИВ расмий вакили Чжао Лицзянь маълум қилган.
“НАТО дунёдаги энг йирик ҳарбий альянс сифатида совуқ уруш давридан қолган фикрлашдан воз кечиши керак. У Хитой тараққиётини холис, ижобий ва очиқ қабул қилиши, шунингдек, глобал ва минтақавий барқарорликни таъминлашга қаратилган ҳаракатларни амалга ошириши зарур”, – деган Чжао Лицзянь.
Шунингдек, Хитой мулоқотни тенг ҳуқуқлилик ва ўзаро ҳурмат тамойиллари асосида йўлга қўйиш тарафдори эканини таъкидлаган.
Маълумот ўрнида: бундан аввал НАТО бош котиби Йенс Столтенберг альянснинг бўлажак сиёсий концепциясида Хитойнинг ўсиб бораётган қудрати таҳдиди ўрин олишини маълум қилган.
Аввалроқ Хитой янги гипертовушли қурол синовини ўтказгани ҳамда АҚШ Тайванга мудофаа соҳасида кўмаклашишда давом этиши хабар қилинганди.
Жаҳонгир Қўзиев
