Фотиҳ Жалолов янги лавозимга тайинланди
Ўзбекистон давлат сатира театрида Ўзбекистон Республикаси маданият вазирининг биринчи ўринбосари Баҳодир Аҳмедов раислигида ташкилий масала юзасидан йиғилиш бўлиб ўтди. Йиғилишда Ўзбекистон Республикасида хизмат кўрсатган артист Фотиҳ Хамитович Жалолов Ўзбекистон давлат сатира театрига директори этиб тайинлангани маълум қилинди.
Фотиҳ Жалолов 1963 йил туғилган. Меҳнат фаолиятини 1986 йили Тошкент театр ва рассомлик санъати институти "Қўғирчоқ актёри маҳорати" кафедрасида ўқитувчиликдан бошлаган. У бугунга қадар Маданият вазирлиги тизим ташкилотларида турли вазифаларда фаолият юритган, хусусан, "Ўзбекфильм"га раҳбарлик қилган.
Аввалроқ Шерали Жўраев "Ватандошлар" жамоат фондининг Васийлик кенгаши раиси лавозимига ҳамда Валижон Шамшиев Тошкент шаҳри Яшнобод тумани "Баркамол авлод" болалар мактаби директори лавозимига тайинлангани ҳақида хабар берилганди.
Муножат Валиева
