Тюменда айиқ бир кишини ғажиб ташлаб, икки кишига оғир тан жароҳати етказди
Дастлабки маълумотларга кўра, балиқ овлаш учун борган уч йигит овдан ўрмон бўйлаб қайтаётган вақтида уларга айиқ ҳужум қилган.
Улардан бирини йиртқич ғажиб ташлаган. Боксчи ёнидаги пичоқни чиқариб, ҳайвонга бир нечта зарба берган. Натижада, айиқ ҳалок бўлган. Илья ва унинг тирик қолган шериги айиқ етказган жиддий жароҳат билан жонлантириш бўлимига олиб келинган.
Табиийки бўлиб ўтган воқеадан сўнг ижтимоий тармоқларда айиқ нима сабабдан йўловчиларга бесабаб ташлангани кенг муҳокама қилинди.
Ички ишлар ходимлари томонидан олиб борилган суриштирув давомида йигитлар томонидан айтилган воқеада чалкашлик борлиги аниқланди. Йигитлар аслида балиқ эмас, айиқ овлагани боргани маълум бўлди. Улар айиқ ҳужумидан аввал унинг уясига яқин бориб, бир неча бор ўқ узган. Яраланган айиқлардан бири қутирган ҳолда 48 ёшли эркакка ҳужум қилиб, уни ғажиб ташлаган. Сўнг Иляга ташланган. Учинчи йигит қочишга улгурган. Жароҳатланган боксчи Иля Медведевни шифохонага ана шу йигит олиб келган.
Қайиқдан далил сифатида йигитларга тегишли бўлган милтиқлар топилган, деб хабар бермоқда Тюмень вилояти давлат овчилик бошқармаси.
Бундан аввал Хитойда пандаларни ўлдирганларга ўлим жазоси белгилангани, ҳамда Aйдар-Aрнасой кўллар тизимида анча миқдордаги балиқларнинг ноқонуний овланишининг олди олингани ҳақида хабар берилганди.
Муножат Валиева
