Машҳур баскетболчи Майкл Жорданни бир жуфт кроссовкаси 1,47 миллион долларга сотилди
Қайд этилишича, Жордан биринчи марта бу пойабзалда НБА 1984 чемпионатининг бешинчи ўйинида чиққан, чунки компания мавсум бошланишидан олдин кроссовка тикишга улгурмаган.
Машҳур баскетболчи Майкл Жорданнинг Миллий баскетбол ассоциациясининг мунтазам мавсумдаги ўйини учун Nike томонидан махсус ишлаб чиқарилган кроссовкаларининг илк жуфти Лас-Вегасда ким ошди савдосига қўйилиб рекорд даражада —1,47 миллион долларга сотилди. Бу ҳақда Sothebeys аукцион уйи маълум қилди.
Баскетболчининг оқ ва қизил кроссовкаларда пайдо бўлиши дизайннинг ўта ёрқинлиги туфайли лига раҳбариятининг норозилигига сабаб бўлган эди. Спортчига ҳар бир кўриниши учун бир неча минг доллар жарима солинди, лекин Жордан уларни ҳеч қачон ўзгартирмади.
Кейинчалик модел Аir Jordon номини олди.
Кроссовкаларни Томми Тим Люис сотувга қўйган, у болалигида уларни НБА ўйинларидан бирида баскетболчидан олган.
Савдо бошланишидан олдин лот 1-1,5 миллион долларга баҳоланди. Оёқ кийимларини коллектор Ник Фиорелла сотиб олган.
Жамшидбек Амиров
