Ўзбекистонда корхоналардан чиққан чиқиндилар миқдори 125 миллион тоннадан ошиб кетди
Мазкур кўрсаткичнинг ҳудудлар кесимида таҳлили натижасида энг юқори чиқиндилар улуши Навоий вилоятига (48,2 %,) тўғри келмоқда.
2020 йил якунларига кўра, Ўзбекистонда токсик ва нотоксик чиқиндилар ҳосил қиладиган ташкилотларда жами чиқиндилар миқдори маълум бўлди. Унинг ҳажми 125,6 миллион тоннага бориб етди.
Мазкур кўрсаткичнинг ҳудудлар кесимида таҳлили натижасида энг юқори чиқиндилар улуши Навоий вилоятига (48,2 %,) тўғри келмоқда. Шунингдек, Тошкент вилояти – 34,6 % ва Жиззах вилояти – 9,1 % ҳиссасига тўғри келган.
Энг кам улуш ҳажми Сирдарё вилояти – 0,01 % бўлса, Қорақалпоғистон Республикаси – 0,02 % ҳамда Фарғона вилояти – 0,03 % ҳиссасига тўғри келмоқда.
Эслатиб ўтамиз, бундан аввал Шавкат Мирзиёев Навоийда қуёш станцияси ишга туширилиши 80 миллион куб метр газни иқтисод қилиш имконини бериши ҳақида хабар берилганди.
Чўпоной Аҳмедова
