Владивосток бозорида катта ёнғин содир бўлди
Владивостокнинг Некрасовская кўчасида жойлашган бозорда катта ёнғин чиқди. Ушбу ҳудуд тутун билан қопланган.
Қутқарувчилар бозорга олиб борувчи йўлни тўсиб қўйди. Натижада, автомашиналар иштирокида тирбандликлар юзага келган. Эрталаб содир бўлган ёнғинда қурбонлар аниқланмаган. Ҳозирда ёнғинни ўчириш ишлари давом этмоқда.
Фавқулодда вазиятлар вазирлигининг маълумотларига кўра, бозорнинг аксарият қисми ёниб кетган. Ёнғин 700 квадрат метрдан ортиқ майдонни қамраб олди. Оқибатда, 70 киши эвакуация қилинди, 10 киши воқеа жойидан қутқарилди.
Ёнғиндан бутун кўча тутун билан қопланиб, атроф-муҳитдаги ҳаракатланувчиларга халал бермоқда. Шунингдек, “Первая Речка” мавзесидаги бозорга яқин кўп қаватли уйлар тутун ичида қолиб кетган, ҳаводаги куйган ҳид нафас олишни қийинлаштираётгани айтилмоқда.
Ёнғин сабаблари ўрганилмоқда. Бозор қоровуллари ҳеч қандай портлаш ёки ёнғин келтириб чиқарадиган биорор сабаб йўқлигини билдирган. Бозорда тез ёрдам машиналари ва полиция навбатчилик қилмоқда.
Эслатиб ўтамиз, бундан аввалГрецияда ўрмон ёнғинлари сабабли 118 киши қўлга олингани ҳамда Pemex нефть-газ компанияси денгиз платформасида ёнғин чиққанлиги ҳақида хабар берилганди.
Чўлпоной Аҳмедова
