Эндиликда илмий даражага эга бўлган музей ходимларининг маоши кўтарилади
Энди давлат музейлари, музей-қўриқхоналар, уй музейлари ва бошқа музей туридаги ташкилотларнинг маъмурий-бошқарув ходимлари, ижодий ходимлари ва мутахассислари илмий даражасига қараб, базавий лавозим маошлари миқдори оширилади.
Маданият вазирлигининг буйруғига асосан давлат бюджетидан молиялаштириладиган давлат маданият муассасалари ходимлари меҳнатига ҳақ тўлаш бўйича базавий лавозим маошлари миқдорларига қўшимча ва ўзгартириш киритилди.
Қайд этилишича, энди давлат музейлари, музей-қўриқхоналар, уй музейлари ва бошқа музей туридаги ташкилотларнинг маъмурий-бошқарув ходимлари, ижодий ходимлари ва мутахассислари илмий даражасига қараб, базавий лавозим маошлари миқдори оширилади.
Шунингдек, фан доктори илмий даражасига ёки фан доктори (Доcтор оф Сcиенcе) ёки хорижий давлатларнинг уларга тенглаштирилган бошқа илмий даражаларга эга бўлганларга – 2,5 коэффициентга оширилган ҳолда белгиланса, фан номзоди илмий даражасига ёки фалсафа доктори (ph.d) ёки хорижий давлатларнинг уларга тенглаштирилган бошқа илмий даражаларга эга бўлганларга – 2 коэффициентга оширилган ҳолда белгиланади.
Маълумот учун: давлат маданият муассасалари 2021 йил 1 январдан меҳнатга ҳақ тўлаш бўйича базавий лавозим маошлари миқдорлари ўзгарганлигини ҳисобга олиб иш ҳақларини қайта ҳисоблаб тўланишини таъминлаш топширилганди.
Эслатиб ўтамиз, аввалроқ маданий мерос агентлигининг вазифалари белгилангани ҳамда 2022 йилда Осиё ва Тинч океани музейи Марказий Осиё керамика экспозициясини очиши ҳақида хабар берилганди.
Чўлпоной Аҳмедова
