Туман прокурори ўринбосарини хотинининг жияни бўйнига арқон солиб, машинага боғлаб судради
Машинага тўкилган пиво муштлашув юзага келишига сабаб бўлди.
Кузатув камераларига муҳрланган видео "База" телеграмм канали орқали тарқалган.
Дастлабки маълумотларига кўра, ўша куни кечқурун Далматовский тумани прокурори ўринбосари Дмитрий Дедуля "Гравийний" қишлоғидаги «Светлана» кафесида дам олаётган бўлган. Зиёфат чоғида турмуш ўртоғининг жияни Аманжолом Саутбаев билан ўртасида низо келиб чиққан. Низо муштлашувгача борган.
Муштлашувдан кейин Аманжолом Дмитрийни бўйнига арқон солиб, машинага боғлаб судраган. Дмитрий тирик қолган, оғир тан жароҳати билан шифохонага ётқизилган.
Суриштирув давомида жанжал Дмитрийни Саутбоевнинг машинасига пиво тўкиб юборгани сабаб бўлгани маълум бўлди. Лекин Дмитрий хотинининг жиянидан ўч олмаган, ариза билан ҳеч қаерга мурожаат қилмаган.
Айни пайтда Саутбоев қўлга олинган ва унга нисбатан жиноят иши қўзғатилган.
Бундан аввал Россияда 33 ёшли аёлни бўғиб ўлдирган ўзбекистонлик эркак қўлга олингани ҳамда Россияда оммавий муштлашувда иштирок этган 50 нафарга яқин мигрант "депорт" қилингани ҳақида хабар берилган эди.
Муножат Валиева
