Оқ уй Facebook'ни фейк хабар тарқатишда айблади
Жен Псаки ижтимоий тармоққа жиддий айблов қўйди.
Оқ уй расмий вакили Жен Псаки Faceboookни коронавирусга қарши вакциналар тўғрисида ёлғон маълумот тарқатишда айблаб чиқди. Бу ҳақда ТАСС хабар берди.
Facebook Covid-19 ҳақида бошқа ижтимоий тармоқларга қараганда кўпроқ фейк тарқалишида етакчи эканлиги тўғрисидаги хабарни изоҳлар экан, Псаки Оқ Уйни бу ҳолат ажаблантирмаслигини маълум қилди.
"Афсуски, Facebook бу муаммолар ҳақида пандемия бошидан бери билиши ҳақидаги хабарлар биз учун янгилик эмас", — деган у.
Шунингдек, Оқ уй вакили АҚШ раҳбарияти июль ойидаёқ ижтимоий тармоқлар коронавирус ҳақида ёлғон маълумот тарқатадиган асосий канал эканлигини айтганини эслатиб ўтди.
"Биз ижтимоий тармоқларнинг ишончли ахборотни эмас, балки вакциналарга қарши йўналтирилган контентларни тарқатаётганига гувоҳ бўляпмиз", — деб таъкидлади Псаки.
Аввалроқ Facebook ўз номини ўзгартириши мумкинлиги ҳамда Youtube иқлим ўзгаришини инкор қиладиган фойдаланувчиларга чеклов жорий этиши хабар қилинганди.
