АҚШ Афғонистонга яна 144 миллион доллар ажратади

 

Бу ҳақда Оқ уй матбуот хизмати хабар берди.

 

Давлатлар томонидан 2021 йилда Афғонистон ва афғон қочқинлари учун ажратиладиган умумий маблағ 474 миллион долларга етади.

“Бу бошқа  мамлакатларга нисбатан энг катта ёрдам”, - дейилади хабарда.

 

Пул гуманитар ташкилотларга берилади. Маблағлар минтақадаги муҳтож афғонлар, жумладан, қўшни давлатлардаги афғон қочқинлари учун дори-дармон, озиқ-овқат, сув таъминоти ва бошқа зарурий нарсаларга йўналтирилади.

 

Эслатиб ўтамиз, Европа Иттифоқи бир ой ичида Афғонистонда элчихона очишни режалаштирганди. Афғонистондаги элчихона Европа Иттифоқига мамлакатда инсон ҳуқуқларини ҳимоя қилишда ёрдам бериши ва “Толибон”ни ўз мажбуриятларини бажаришга мажбур қилиши  керак эди.

Шунингдек, БМТ Афғонистонга иқтисодий ёрдам кўрсатиш жамғармасини ташкил этганини маълум қилди.