Хитой ҳукумати автомобиллар учун ёқилғи сотишга чекловлар жорий этди
Энергия инқирози даврида Хитой ҳукумати ёқилғи сарфини камайтиришга қарор қилиб, автомобиль учун ҳар бир литрдан кўп бўлмаган миқдорда сотишга қарор қилди.
Маълумотларга кўра, юк машиналари ҳайдовчилари ўз автомобилларига ёқилғи қуйиш учун кун бўйи навбатда туришга мажбур бўлмоқда.
Шу билан бирга, Хитойнинг айрим ҳудудларида янада қаттиқроқ чекловлар қўйилган. Баъзи ҳудудларда ҳайдовчиларга ҳар бир машина учун атиги 25 литр ёқилғи сотиб олишга рухсат берилган бўлса, бошқаларида бундай харид нархи 300 юан (47 доллар) билан чекланган.
Хитой ҳамон энергетик инқироз ҳолатида – кўмир ва газ захиралари мамлакатнинг айрим провинцияларида йирик заводларнинг ёпилишига ва электр токининг узилишига олиб келди.
Мутахассисларнинг фикрича, бу ҳолат пандемия туфайли юзага келган глобал логистика инқирозини янада кучайтириши мумкин. Чунки ёқилғи тақчиллиги аввало шаҳарлараро транспортга, кейин эса савдо ҳажмига таъсир қилади.
Эслатиб ўтамиз, сентябрь ойи охирида Буюк Британия ҳам ёқилғи инқирозига дуч келган эди. Мамлакатдаги ёқилғи қуйиш шохобчаларининг ярмига яқини ёқилғисиз қолганди.
Бир кун аввал Қироллик мамлакатда ёқилғи тақчиллиги йўқлиги, унга бўлган талаб уч баравар камайгани, омборлар 45 фоизга тўлдирилгани ҳақида хабар берган эди.
