Афғонистонда одам ва қурол ўғирлаш ҳолатлари кўпаймоқда
Кобул аҳолиси сўнгги пайтда одам ва қурол ўғирликлари кўпайганидан шикоят қилмоқда.
Мамлакатнинг Савдо-саноат палатаси раиси ўринбосари Хон Ян Алокозаининг маълум қилишича, охирги икки ойда 40 дан ортиқ тадбиркорлар ўғирлаб кетилган.
Кобул аҳолиси сўнгги пайтда одам ва қурол ўғирликлари кўпайганидан шикоят қилмоқда. Улар “Толибон”ни хавфсизликни таъминлаш ва жиноятчиликнинг олдини олиш учун чоралар кўришга чақирган.
Айниқса, Қобул, Қандаҳор, Нангаҳор, Қундуз, Ҳирот ва Балх вилоятларида ўғирлик ҳолати кўп кузатилган. Ўғирланганларнинг 4 нафари ҳалок бўлган, айримлари бедарак йўқолган.
Афғонистон Ислом Амирлиги ички ишлар вазирлиги матбуот котиби Қори Саид Хостий яқин келажакда тадбиркорларга ўзларини ҳимоя қилишлари учун қурол лицензияси берилишини маълум қилди.
Сўнгги икки ой давомида Кобул ва Афғонистоннинг бошқа ҳудудларида 40 дан ортиқ тадбиркор ўғирлаб кетилган.
Савдо-саноат палатаси ўринбосари Хон Ян Алокозаи ўғирликлар кўпайишига “Толибон” томонидан хусусий хавфсизлик компанияларидан қуроллар олиб қўйилганини сабаб қилиб кўрсатган.
Эслатиб ўтамиз, бундан аввал ИШИД пистирма уюштириб, 17 нафар “Толибон” жангариларини ўлдиргани ҳақида хабар берилганди.
Чўлпоной Аҳмедова
