Жанубий Корея АҚШ билан янги ҳарбий машғулотлар бошлади
Унда юзга яқин самолётлар иштирок этади.
Жанубий Корея ва АҚШ ҳарбий-ҳаво кучлари қўшма машғулотлари бошланди. Бу ҳақда Жанубий Корея мудофаа вазирлиги маълумотларига таяниб KBS телеканали хабар қилди.
Машғулотлар беш кун давом этади. Унда юзга яқин авиатехника иштирок этади. Уларнинг орасида Жанубий Кореянинг F-15K ва KF-16 ҳамда АҚШнинг F-16 самолётлари ҳам бор. Мамлакат ҳарбий-ҳаво кучлари ушбу машғулотларга ҳеч қандай изоҳ бермай, у “мавжуд режа асосида” ўтказилаётганини маълум қилди.
Сўнгги йилларда Сеул ва Вашингтон ўртасида бу каби қўшма ҳарбий тадбирлар кўп ўтказиляпти. Бундан кўзланган мақсад – Шимолий Кореяни мулоқот бошлашга мажбур қилиш.
Бундан аввал Шимолий Корея қора оққуш гўшти ёрдамида очликка қарши курашмоқчи экани ҳамда Жанубий Корея ва КХДР ўртасидаги алоқа тизими тиклангани тўғрисида хабар берилганди.
Жаҳонгир Қўзиев
