Самарқанд туршагига харидор давлатлар кўпаймоқда: 97 та корхона туршак экспортини йўлга қўйган.
Вилоят божхона бошқармаси маълумотларига кўра, бу йил Самарқандда жами 260,87 минг тонна қуритилган ўрик (туршак) экспорт қилинган.
Жумладан, жорий йил бошидан бугунга қадар умумий қиймати 3669,6 минг долларлик туршак экспорт қилинган.
Самарқанд туршагининг энг катта харидори — Украина саналади. Мазкур мамлакат вилоят тадбиркорларидан йил давомида бир миллион тоннага яқин (912,2 кг.) туршак харид қилган.
Вилоят туршак экспортида қолган мамлакатлар ҳиссаси қуйидагича:
Россия — 393,22 тонна
Беларусь — 333,08 тонна
Хитой — 271,64 тонна
Озарбайжон —255,6 тонна
Маълумот учун: бугунги кунда Самарқандда 97 та корхона туршак экспортини йўлга қўйган.
Эслатиб ўтамиз, бундан аввал хорижга қовун-тарвуз экспорти бўйича етакчи вилоятлар маълум бўлганди.
Шунингдек, Ўзбекистон 40 та давлатга қарийб 35 минг тонна узум экспорт қилгани ҳақида хабар берилганди.
Чўлпоной Аҳмедова
