АҚШда 5-11 ёшли болаларни коронавирусга қарши эмлашга расман рухсат берилди
Бунда Pfizer-BioNTech вакцинасидан фойдаланилади.
АҚШ Касалликлар назорати ва профилактикаси федерал маркази 5-11 ёшли болаларни коронавирусга қарши Pfizer-BioNTech вакцинаси билан эмлашга рухсат берди. Бу ҳақда "ТАСС" хабар қилди.
Pfizer-BioNTech болалар учун махсус вакцина ишлаб чиққан.
Марказ қўмитаси бир овоздан юқоридаги вакцинанинг икки дозаси билан болаларни эмлашга овоз берган. 5-11 ёшлилар катталар қабул қиладиган вакцинанинг учдан бир дозасида эмланиши белгиланган. Иккинчи доза биринчи эмланишдан 3 ҳафта вақт ўтгач қилинади. Хабарда айтилишича, шу ҳафтанинг жума кунида Pfizer'нинг болалар учун мўлжалланган вакцинаси сотувга чиқарилади.
Октябрь ойида АҚШ Соғлиқни сақлаш ва ижтимоий хизматлар вазирлиги ҳам болаларни коронавирусга қарши эмланишига рухсат берганди.
Бундан аввал Буюк Британияда ҳам болалар коронавирусга қарши эмланиши мумкинлиги хабар қилинганди.
Жаҳонгир Қўзиев
