Янги "экспортёр": қозоғистонлик аёл газни ноқонуний равишда экспорт қилаётгани аниқланди
Ҳолат Чимкент шаҳрида бўлган.
Чимкентлик аёл Ўзбекистон ва Тожикистонга ноқонуний газ сотишни йўлга қўйгани аниқланди. Бу ҳақда “Sputnik Казахстан” хабар берди.
Аёл давлат корхоналаридан бирининг директори бўлган. У шу кунга қадар 960 тоннадан ортиқ суюлтирилган газ сотгани аниқланди. У бу ишни сохта ҳужжатлар ёрдамида амалга оширган. Манбаларнинг таъкидлашича, аёл жами 146 миллион тенге (343 минг доллар) ноқонуний фойда олган.
Суд аёлга 10 минг АҚШ доллари миқдорида жарима тайинлади. Шу билан бирга етказилган зарарни тўла қоплаши шартлиги белгиланди.
Бундан аввал Бухорода ноқонуний фреон газ баллонларини олиб киришга бўлган уринишнинг олди олингани ҳамда Учкўприк туманида газ тармоғидан ноқонуний фойдаланган корхона аниқлангани тўғрисида хабар берилганди.
Жаҳонгир Қўзиев
