Байден Дональд Трамп йўл қўйган хатоларни тўғрилаши керак — Хитой ТИВ
Бу ҳақда Хитой ташқи ишлар вазирлиги расмий вакили Ван Веньбинь маълум қилди.
Веньбин Си Цзинпинь ва Байден ўртасида учрашувга тайёргарлик кўрилаётгани тўғрисида Америка ОАВларида чиққан хабарларга муносабат билдирар экан, айрим нашрлар ўзбошимчаликка йўл қўйганини айтган.
“Бу ҳақда (АҚШ ва Хитой раҳбарлари учрашуви) бизга маълумот келиб тушмади. Шуни айтишим керакки, АҚШнинг аввалги администрацияси йўл қўйган хатолар икки давлат муносабатларини жиддий ёмонлаштирди”, – деган Веньбинь.
Унинг қўшимча қилишича, Хитой бунга қарши зарур ва қонуний жавоб берган. Шунингдек, у амалдаги раҳбарият Дональ Трамп пайтида қилинган хатоларни тўғирлашига умид билдирди.
Бундан аввал Хитой ташқи ишлар вазирлиги АҚШ разведкасининг коронавирус тўғрисидаги ҳисоботига муносабат билдирганди.
Жаҳонгир Қўзиев
