Дорихона сотувчиси ва номаълум шахс ўртасидаги жанжал ўрганилмоқда
Ижтимоий тармоқларда Чилонзор туманидаги дорихоналардан бирида ноқонуний тақиқланган дорилар сотилаётгани сабаб фуқаролар ўртасида жанжал келиб акс этган видео тарқалди.
Ушбу видео Тошкент шаҳар ИИББ томонидан ўрганилди. Бу ҳақда Nошкент шаҳар ИИББ ахборот хизмати бошлиғи Нилуфар Исаханова Zamon.uz'га хабар берди.
Аниқланишича, тасвирда акс этган ҳолат жорий йилнинг 20 октябрь куни тахминан соат 15.30ларда Чилонзор туманидаги дорихоналардан бири олдида бўлган.
Жанжал 27 ёшли дорихона сотувчиси Жахонгир ва номаълум шахс ўртасида юз берган. Бироқ бу жанжал ҳакида ИИОга хабар келиб тушмаган. Ҳозирда воқеа сабаби ва жанжаллашган бошқа шахсни аниқлаш чоралари кўрилмокда.
P.S.: Агар кимдир видеодаги жанжаллашган шахсларни таниса, Чилонзор тумани ИИО ФМБга мурожаат қилишларини сўралади.
Муножат Валиева
