Россия Украинага атиги бир сутка ичида катта қўшин кирита олади — Петр Порошенко

 

Украина собиқ президенти Петр Порошенконинг фикрича, Россия Украинага атиги бир сутка ичида катта қўшин киритиши мумкин. Бу ҳақда “Риа Новости” хабар берди.

 

“Замонавий урушда чегараларда ўн ёки юз минг қўшин тўплаш шарт эмас. 2014 йилдан бошлаб Россия президенти Путин ўз қўшинларини 300-500 километр масофага тезда етказиш мақсадида бир неча темирйўл қурди. Улар Украинага бир неча кун ичида етиб кела олади. Шунингдек, янги аэродромлар қурилган”, – деган Порошенко.

 

Маълумот ўрнида: Россия ва Украина ўртасидаги муносабатлар 2014 йилда совуқлашган. Бунга Украина шарқидаги уруш ва Қримнинг Россияга қўшиб олиниши сабаб бўлган. Киев Россияни мамлакат ички ишларига аралашишда айблаб келади.

 

Бундан аввал Украина собиқ президенти уюшган жиноий гуруҳга раҳбарлик қилишда гумонланаётгани ҳамда РФда Ўзбекистон фуқароси Украина фойдасига жосуслик қилишда айблангани ҳақида хабар берилганди.

 

Жаҳонгир Қўзиев