Франция ОАВ Ўзбекистон бозорида ишлаётган француз компаниялари ҳақида ёзмоқда

 

"Le Monde" электрон нашрида Франция компаниялари Ўзбекистон иқтисодиёти очиқлигини қўллаб-қувватлаб, мамлакатимиздаги фаолиятини фаоллаштираётгани ҳақида мақола эълон қилинди.

 

Нашрнинг ёзишича, Франциянинг "Veolia", "Renault", "Suez" ва "Total" каби компаниялари Марказий Осиё минтақасидаги аоссий бозор бўлган Ўзбекистонда иш бошламоқда.  Даставвал 2019 йил мамлакатнинг иккинчи йирик шаҳри Самарқанд билан, сўнгра 2020 йил пойтахт Тошкент билан 142 миллион евро миқдоридаги келишувга эришилди. Мазкур компания 29 сентябрь куни Тошкент шаҳрининг иситиш тармоғини эксплуатация қилиш ва унга техник хизмат кўрсатиш бўйича 30 йилга мўлжалланган шартнома тузди", — дейилади мақолада.

 

Шунингдек, мақолада қайта тикланадиган энергия соҳасида етакчилардан бири - "Total" шўъба компанияси жорий йил май ойида Ўзбекистонда Европа инвестиция банки, Европа тикланиш ва тараққиёт банки ва Франция тараққиёт агентлиги томонидан 87,4 миллион евро миқдорида молиялаштириладиган фотоэлектр станцияси бунёд этилиши ҳақида маълум қилгани қайд этилган.

 

Маълумот учун: "Framatome" компанияси Россиянинг "Росатом" гуруҳи учун ускуналар етказиб берувчи сифатида мамлакатнинг биринчи атом электр станциясини қуришда иштирок этади.

 

Аввалроқ Ҳиндистоннинг “Political Events” журнали саҳифасида “Янги Ўзбекистон замонавий ташқи сиёсатининг халқаро-ҳуқуқий асослари мустаҳкамланмоқда” сарлавҳали мақола ҳамда Саудия Арабистонининг етакчи нашрларидан бири бўлган "Al-Muashshir al-Iqtisadiy" газетасида "Ўзбекистон 24 октябрь куни бўлиб ўтадиган Президент сайловига тайёргарлик кўрмоқда" номли мақола чоп этилгани ҳақида хабар берилганди.