Ўзбекистон — Жанубий Корея электромобиль ишлаб чиқаради
Мазкур лойиҳа доирасида 450 нафардан ортиқ ишсиз аҳоли бандлиги таъминланиши режалаштирилган.
Бухоро шаҳридаги “Ideal Lift” МЧЖ Жанубий Кореянинг SONGUO MOBILITY INNOVATION CO, LTD. компанияси билан ҳамкорликда вилоятда қиймати 1 миллиард 210 миллион долларга тенг бўлган йилиги 30 минг дона электромобиллар ишлаб чиқаришни ташкил лойиҳасини амалга оширади.
“Ideal Lift” МЧЖ раҳбари Комилжон Қудратов шундай дейди:
“Бу лойиҳа ташқи бозорда республиканинг миллий манфаатларини ҳимоя қилиш, ўзбек истеъмолчиларининг манфаатларини қўллаб-қувватлашда муҳим аҳамиятга эга эканлигини таъкидлади”.
Шу билан бирга, икки компания ўртасида лойиҳа бўйича тайёргарлик ишларини бошлаш тўғрисида битим, жумладан юқори технологияли ускуналарни етказиб бериш, лойиҳалаштириш, монтаж жараёни давомида назорат қилиш ва электромобиллар ишлаб чиқариш назарда тутилган шартнома имзоланди.
Эслатиб ўтамиз, аввалроқ дунёдаги энг арзон электромобиль сотувга чиққани ҳамда Toyota илк бор қуёш панелига эга бўлган “BZ4X” электромобилини намойиш қилгани ҳақида хабар берилганди.
Чўлпоной Аҳмедова
