Коллеж ва техникумларга кириш тест имтиҳонлари бошланди

 

Юртимизда умумтаълим мактаблари битирувчилари учун олий таълим муассасалари билан бир қаторда коллеж ва техникумлар ҳам фаолият олиб бормоқда.

 

Ҳозирги кунда профессионал таълим тизимида 339 та касб-ҳунар мактаби, 17 та вазирлик ва идоралар тизимидаги 162 та коллежлар ҳамда 62 та олий таълим муассасалари ҳузуридаги 213 та техникумларда касб ва мутахассисликлар бўйича ўрта бўғин кадрларини тайёрлаш йўлга қўйилган. Тизимда меҳнат бозорида зарур бўлаётган 400 тадан ортиқ касб ва мутахассисликлар бўйича кадрлар тайёрланмоқда.

 

Коллеж ва техникумларга ўқишга киришда саралаш тест синовлари талабларга зид ҳолатлар юз берса ёки тест жараёнларини ташкил этиш бўйича шарт-шароитлардан норозилик юзага келган вақтда абитуриентлар томонидан мурожаат этишлари учун @testprof2021bot номли махсус бот ишга туширилган

 

Шунингдек, имтиҳон жараёнларидан норозилар вазирлик «Cалл маркази»нинг телефон рақами орқали ҳам мурожаат қилишлари мумкин.

 

Маълумот учун: Давлат тест маркази томонидан ташкил этилаётган тест жараёнлари 2 сменада бўлиб ўтади. Тест синовлари касб ва мутахассисликка мос 2 та фан ва барча тест топширувчилар учун мажбурий 3 та фан (она тили, математика ва тарих)дан ўтказилади.

 

Аввалроқ, ОТМлар ҳузурида 24 та техникум ташкил этилиши  ҳамда Адлия вазирлигининг юридик техникумларига қабул бошлангани ҳақида хабар берилганди.

 

Муножат Валиева