Владимир Путин миграция инқирозини Ғарб давлатлари келтириб чиқарган деб ҳисобламоқда

"Муҳожирлар билан боғлиқ инқирозлар қаердан келиб чиққанини унутманг.Ғарб давлатларининг ўзлари, жумладан, Европа давлатлари томонидан ҳарбий ва иқтисодий сабабларга кўра яратилган миаммодир. Мен ҳамма билишини хоҳлайман, Россиянинг бунга мутлақо алоқаси йўқ. Ҳамма ҳар қандай сабаб билан ва ҳеч қандай сабабсиз бизга ҳар жавобгарликни юкламоқчи.Александр Лукашенко ва канцлер Меркел бир-бирлари билан гаплашишга тайёр. Умид қиламанки, бу яқин келажакда амалга ошади. Бу энг муҳими, чунки муҳожирлар асосан Германияга боришга мойил", — деди Путин.

Шунингдек, Кремел раҳбари биринчи навбатда, Беларусь ва Польша чегарасида турган муҳожирларнинг фарзандларига ачинишини айтди. Бирорта ҳам Россия авиакомпанияси муҳожирларни Беларусга олиб кетмаслигига ишонтирди. Инқирозини Беларусь ва Евроиттифоқ манфаатларидан келиб чиқиб ҳал қилишга чақирди.

Аввал хабар қилганимиздек, 8 ноябрь куни Польша-Беларусь чегарасида вазият кескин ёмонлашди. ОАВ маълумотларига кўра, 10 ноябрга ўтар кечаси бир неча ўнлаб муҳожирлардан иборат икки гуруҳ чегарани куч билан бузиб ўтиб, турли жойлардан Полша ҳудудига кириб боришга муваффақ бўлган.

Полша, Литва ва Латвия Ироқ ва Афғонистондан Беларус-Полша чегарасини кесиб ўтишга уринаётган муҳожирлар сони кескин ошгани ҳақида хабар берди. Варшава ва Брюсселга кўра, бу Минск томонидан Беларусга киритилган санксиялар туфайли уюштирилган гибрид урушнинг бир тури.

 

Насиба Тўхтаева