Мен дунёни яхшироқ биламан — Эрдўған

 

Туркия президенти Ражаб Тоййиб Эрдўған ўзини дунёнинг бошқа етакчиларидан кўра тажрибалироқ эканини айтди. Бу ҳақда президент Чаноққалъа вилоятида ёшлар  билан учрашув пайтида маълум қилган.

 

“Мен дунёни биламан. Ҳозирги дунё етакчилари орасида – мен энг тажрибалисиман. Мен буни мақтаниш учун эмас, балки бошқа етакчилар орасида ўз ўрнимни белгилаш учун айтяпман. Халқимизнинг менинг ким эканимни билиши муҳим”, – деган Эрдўған.

 

Маълумот ўрнида: Эрдўған 2003-2014 йилларда Туркия бош вазири бўлган. 2014 йилда у президент этиб сайланди. Туркия 2018 йилда президентлик республикаси бошқаруви шаклига ўтгач, у қайта президентликка сайланди.

 

Аввалроқ Эрдўған Грецияни мигрантлар масаласида айблаб чиққанди https://zamon.uz/uz-to/detail/erdogan-gretsiyaga-jiddiy-ayblov-qoydi-dunyo. Шунингдек, Шавкат Мирзиёев Туркия Президенти Режеп Таййип Эрдоған билан учрашгани https://zamon.uz/uz-to/detail/ozbekiston-prezidenti-shavkat-mirziyoyev-turkiya-prezidenti-rejep-tayyip-erdogan-bilan-uchrashdi-ozbekiston ҳақида хабар қилинганди.

 

Жаҳонгир Қўзиев