АҚШда Meta'га 100 миллиард долларлик даъво қўзғатилди
Компания ўз алгоритмлари билан жамоатчиликни чалғитганликда айбланмоқда.
Бу ҳақда The Wall Street Journal хабар берди.
Қайд этилишича, Огайо прокуратураси илгари Facebook номи билан танилган Meta'га қарши 100 миллиард долларлик даъво қўзғатди. Бунинг асосий сабаби, “Meta Platforms” компаниясининг тизимли бошқарувида болаларга таъсир жиҳати ҳисобга олинмагани учун судга мурожаат қилди.
Штат прокурори Дейв Йотс шундай дейди:
“Facebook болаларимизга ғамхўрлик қиламан ва онлайн тролларни йўқ қиламан деб даъво қилди, лекин аслида фойда учун бу бошқа хатоларни келтириб чиқарди”.
Даъво аризаси Meta ва Огайо штатидаги давлат хизматчиларининг пенсия тизимидаги баъзи инвесторлар номидан қўзғатилган. Аризага кўра, 100 миллиард доллардан ортиқ зарарни қоплаш ҳақидаги иддаоларни ҳам ўз ичига олади.
Бундан ташқари, даъвогарлар келажакда инвесторларни чалғитмаслик учун Meta компаниясидан платформага жиддий ўзгаришлар киритишни талаб қилмоқда.
Маълум бўлишича, 29 апрелдан 21 октябргача Facebook ва унинг раҳбарлари қимматли қоғозлар тўғрисидаги федерал қонунни бузган. Компания акциялар нархини ошириш ва акциядорларни алдаш мақсадида ўз маҳсулотларининг вояга етмаганларга салбий таъсирини ҳисобга олмаган ҳолда қасддан жамоатчиликни чалғитган.
Маълумот учун: “The Facebook Papers” номли ҳужжат билан ҳам компанияга бир қанча айбловлар қўйилганди.
Эслатиб ўтамиз, аввалроқ "Facebook" 28 октябрдан Мета номини олгани ҳақида хабар берилганди.
Чўлпоной Аҳмедова
