АҚШда Путинни Россия президенти сифатида тан олмаслик таклиф қилинди
Конгрессга шу мазмунда резолюция киритилган.
АҚШ конгрессменлари Стив Коэн ва Жо Уилсон вакиллик палатасига Владимир Путин билан боғлиқ янги резолюция киритди. Бу ҳақда “РИА Новости” хабар берди.
Унда агар Путин 2024 йилда ҳам президентликка номзодини қўядиган бўлса, уни Россия президенти сифатида тан олмаслик таклиф қилинган. Шунингдек, РФ конституциясига 2020 йилда киритилган ўзгартиришлар Россиянинг халқаро мажбуриятларига зид равишда амалга оширилган.
“Путиннинг 2024 йил 7 майдан кейин ҳокимиятда қолишга уриниши АҚШ томонидан тан олинмаслиги керак”, – дейилади ҳужжатда.
Россиянинг бир қатор сиёсатчилари буни РФ ички ишларига аралашув сифатида баҳолаган.
Аввалроқ Трамп Путинга ҳавас қилиши ҳамда Путин CNBC каналига катта интервью бергани ҳақида хабар берилганди.
Жаҳонгир Қўзиев
