Келаётган ҳафтада Ўзбекистонда қандай об-ҳаво кутилмоқда?
Гидрометеорология хизмати маркази ҳафта давомида қандай об-ҳаво кузатилишини маълум қилди.
“Ўзгидромет” хабарига кўра, 23-24 ноябрь кунлари аномал илиқ об-ҳаво сақланиб туради, бироқ Каспий денгизи жанубий ҳудудларидан нам ҳаво кириб келиши кутилмоқда. 23 ноябрда республиканинг жануби-ғарбий, 24 ноябрда жанубий туманларида баъзи жойларда ёмғир ёғади. Ҳарорат фони 13-18 даража илиқ атрофида бўлади.
25-26 ноябрь кунларида Ўзбекистон ҳудудига Волгабўйи ҳудудларидан яна антициклон кириб келиши кутилмоқда. 25 ноябрда республиканинг шимолий ҳудудларига, 26 ноябрда республиканинг қолган ҳудудларида баъзи жойларда ёмғир ёғади, тоғли ҳудудларда ёғингарчилик (ёмғир, қор) бўлади, шамол тезлиги 15-20 м/с гача кучаяди.
Бугун кундуз куни Ўзбекистонда қуруқ ва илиқ об-ҳаво бўлиши кутилмоқда, фақат Тошкент вилоятида кун биринчи ярмида бироз ёмғир ёғиши мумкин. Ҳаво ҳарорати 13-18 даража илиққача кўтарилади, бу меъёрдан 3-5 даражага юқори.
Ҳаво ҳарорати кечалари булутлилик билан 9-11 даража илиққача кўтарилади, 26 ноябрга бориб эса кундуз кунлари меъёрий қийматларгача пасаяди ва 8-13 даража илиқни ташкил этади.
