Хонадонида тўппонча ясайдиган "тадбиркор" қўлга олинди
48 ёшли бу фуқаро аввал ҳам судланган.
Бу ҳақда Тошкент шаҳар ИИБ хабар берди.
Унга кўра, “Хавфсиз ҳудуд” профилактик тадбирлари давомида олдин судланган 48 ёшли А. ўз уйида қурол ясаш билан шуғуллангани маълум бўлди. Ушбу фуқаронинг яшаш жойи текширилганда, револьвер ва тўппонча топилган.
Шундан сўнг, "топилмалар" ҳуқуқни муҳофаза қилиш органлари ходимлари томонидан баллистика экспертиза текширувига юборилган.
Аниқланишича, экспертиза натижалари фуқаронинг хатти-ҳаракатларини ноқонуний деб топиб, ЖКнинг “Қурол, ўқ-дорилар, портловчи моддалар ёки портлатиш қурилмаларига қонунга хилоф равишда эгалик қилиш" бандига асосан ҳуқуқий баҳо берилди.
Эслатиб ўтамиз, аввалроқ Жиззахда молхона девори оралиғидан тарихий милтиқ топилгани ҳамда уйида гиёҳванд модда ва қурол сақлаган фуқаро ушлангани ҳақида хабар берилганди.
Чўлпоной Аҳмедова
