15 ёшли қизини очликда қолдирган она 5 йилга қамалди
Қизча топилганда вазни бор-йўғи 9 килограмм бўлган.
Украинанинг Кривой Рог вилоятида шафқатсиз аёл ногирон фарзандига эътибор қаратмай оч қолдиргани аниқланди.
15 ёшли Богдана тасодифан уй текширувга келган полиция ходимлари томонидан топилган. Уларнинг айтишича қизча санитария талабларига жавоб бермайдиган жуда ёмон шароитда яшаган. Умуман юрмаган ва гапирмаган. Унинг тўшагида ҳатто ёпинғич ҳам бўлмаган.
Она эса оғир касал билан чалинган болага ғамхўрлик қилиш эвазига ўз ҳолига ташлаб қўйган.
Маълум бўлишича 15 ёшли Богдана "Даун" синдроми ва "Мия фалажи" (ДЦП) касалли билан туғилган. Охирги беш йил давомида бола доимо очликдан азоб чекади.
Қизча ётган хонада газ ва электр бўлмаган. Онанинг сўзларига кўра, газ ва электрдан қарздорлиги сабаб ўчириб кетилган. Шу боис, қизча доимий қоронғи хонада сақланган.
Қўшниларнинг айтишича, қизнинг онаси ва катта опаси ҳеч қаерда ишламаган. Бутун оила учун ягона даромад Багдана учун тўланадиган ногиронлик нафақаси бўлган.
Қизча дарҳол махсус муассасага жойлаштирилган. Шифокорлар қизни кўрикдан ўтказгач: "Агар унга ўз вақтида ғамхўрлик қилинганида ҳозир қизнинг аҳволи анча яхшиланган бўлар эди", — деган фикрни билдиришган. Қизга яхши овқат, массаж ва муолажалар тайинланди.
Қизига умуман қарамаган онага нисбатан жиноий иш очилиб, 5 йилгача озодликдан маҳрум этиш жазоси тайинланди.
Муножат Валиева
