БМТ: Дунё аҳолисининг 37 фоизи интернетдан фойдаланмайди
Буларнинг аксарияти ривожланаётган мамлакатларда.
Дунё миқёсида аҳолининг 37 фоизи – 2,9 миллиард киши интернетдан умуман фойдаланмайди. Бу ҳақда БМТ Халқаро электралоқа иттифоқига таяниб, АФП хабар берди.
2,9 миллиард аҳолининг 96 фоизи эса ривожланаётган мамлакатларда яшайди. Шу билан бирга, Интернетдан фойдаланувчиларнинг сони 2019 йилдаги қарийб 4,1 миллиарддан 2021 йилда 4,9 миллиардга етди.
Интернет фойдаланувчилари сонининг ўсишига пандемия даврида кўрилган чоралар - блокировкалар ва мактабларнинг ёпилиши, шунингдек, янгиликлар, давлат хизматлари, соғлиқни сақлаш янгиликлари, электрон тижорат ва онлайн-банкингдан фойдаланиш зарурати сабаб бўлди.
Биргина пандемиянинг биринчи йилида бутун дунё бўйлаб интернетдан фойдаланувчилар сони 10 фоиздан кўпроққа ўсди, бу сўнгги ўн йилликлардаги энг катта йиллик ўсишдир.
Аввалроқ швед нашри "Интернет апокалипсиси" таҳдиди ҳақида ёзган эди. Қуёш бўронлари интернет алоқаларини беқарорлаштириши ва бир неча ой давомида хизмат кўрсатишда узилишларга олиб келиши мумкин.
Эслатиб ўтамиз, WҳатсАпп ва Инстаграмда ҳамда Фаcэбоокнинг ишламай қолиши жаҳон иқтисодиётига 161 миллиард доллар зарар етказган эди.
Насиба Тўхтаева
