Мамлакатимизга энг кўп гуруч олиб кирган давлатлар ичида Қозоғистон етакчи
2021 йилнинг январь-октябрь ойларида мамлакатимизга импорт қилинган гуруч маҳсулотининг ҳажми 19,3 минг тоннага ошган.
Давлат статистика қўмитаси маълумотларига кўра, мазкур даврлар оралиғида Ўзбекистон 13 та хорижий давлатлардан қиймати 7,2 млн. АҚШ долларига тенг бўлган 26,9 минг тонна гуруч импорт қилган.
Бу эса ўтган йилнинг мос даври билан солиштирилганда қарийб 19,3 минг тоннага кўп дегани.
Жорий йилнинг мазкур 10 ойида маҳаллий бозорларимизга энг кўп гуруч импорт қилган давлатлар қаторида Қозоғистон 26,5 минг тонна экин маҳсулоти билан биринчи ўринни эгаллаган. Покистон эса 223,2 тонна гуруч маҳсулоти иккинчи ўринни олган.
Қуйида юртимизга гуруч маҳсулотини олиб кирда энг фаол давлатлар қатори келтирилган:
🔷 Қозоғистон – 26,5 минг тонна;
🔷 Покистон – 223,2 тонна;
🔷 Хитой – 60 тонна;
🔷 Ҳиндистон – 23 тонна;
🔷 Россия – 12 тонна;
🔷 Литва – 2 тонна.
Аввалроқ 1 августдан божхона режими талаблари осонлаштирилгани, 82 турдаги хомашё ва ярим тайёр маҳсулот импорт божидан озод қилингани ҳамда Ўзбекистон экспорт-импортидаги энг юқори улушга эга 10 та давлат номи маълум қилингани ҳақида хабар берилганди.
Оламгир Абдиев
