Россияда ўқувчи синфдошининг кўзига калит тиқиб, жароҳатлади

 

Россиянинг Нефтеюганск шаҳрида учинчи синф ўқувчиси Игор ўз синфдошининг кўзини жароҳатлади. Бу ҳақда 360 tv.ru сайти маълум қилди. Ота-оналарнинг айтишича, бола томонидан аввал ҳам ўқувчиларнинг кўзига қалам, ручка тиқиб олиш ҳолатлари кузатилган.

 

Кўзи жароҳатланган боланинг онаси Юлиянинг айтишича, Игор уч йилдан буён мактабдаги тенгқурларига озор бериб келган. Ҳатто, у ўртоқлари қорнигаа пичоқ ҳам санчгаан. Она эса ўғлини биринчи синфдан бошлаб калтаклаб келган. 

 

Аёл Игорнинг мактабга бир неча марта ошхона пичоғи билан келганига ҳам гувоҳ бўлган. Шунингдек, синфдош қизларнинг юзига ўз-ўзидан бесабаб тарсаки туширишлари, тарих ўқитувчисини велосипед занжири билан калтаклагани, сочларини юлгани ва ҳаттоки баъзи ўқитувчилар у туфайли ариза ёзиб ишдан кетгани ҳақида ҳам маълумотлар берган.

 

Суриштирувлар давомида Игор болалар боғчасидан бошлаб руҳий шифохонада рўйхатда туриши маълум бўлди. Аммо онаси ўғлининг бу ҳолатини яхши билса-да, мактаб маъмуриятидан яширган. Ўғлини ўз вақтида даволатмаган.

 

Кейинчалик мактаб маъмурияти муаммодан хабар топгач, ҳал этиш чораларини кўрмаган. Вояга етмаганлар билан ишлаш бўйича инспектор эса Игорнинг 14 ёшга тўлмаганини сабаб чора кўрилмаганини маълум қилган.

 

Ҳозирда мактаб ўқувчисининг кўзидан жароҳатлангани юзасидан шаҳар тергов бўлинмаси суриштирув ишларини олиб бормоқда.

 

Муножат Валиева