Божхона постида юк контейнерига яширилган электромобиль тўхтатиб қолинди
Автомобилнинг таннархи 200 миллион доллар деб баҳоланган.
Бу ҳақда Давлат Божхона қўмитаси хабар берди.
Унга кўра, Тошкент шаҳар “Чуқурсой техник идораси” темир йўл чегара божхона постида хориждан келтирилган контейнер ичидан ҳужжатларда кўрсатилмаган электромобиль яширилгани аниқланди.
Қайд этилишича, божхона постида ходимлар томонидан хориждан келтирилган юк контейнери белгиланган тартибда текширув ўтказилган.
Натижада йўл-юк кузатув ҳужжатлари ёзилмаган, 2019 йилда ишлаб чиқарилган 5 ўринли электромобиль транспорт воситаси борлиги маълум бўлган.
Ҳозирда ҳолат юзасидан суриштирув ҳаракатлари олиб борилмоқда.
Эслатиб ўтамиз, аввалроқ Қорақалпоғистонда ҳужжатларда кўрсатилмаган автомобиль шинаси божхона постида ушлаб қолингани ҳамда Тошкент халқаро аэропортида ноёб судралиб юрувчи жонзотларни олиб чиқишга уринган шахс тўхтатиб қолингани ҳақида хабар берилганди.
Чўлпоной Аҳмедова
