Россияда ўзбекистонлик ишчилар кетаётган автобус ЙТҲ га учради
11 киши жароҳатланган, бири ҳалок бўлган.
Дастлабки маълумотларга кўра воқеа 9 декабрь куни "Ардатов — Арзамас" йўлида жойлашган Идеал посёлкаси ҳудудида содир бўлган. Полициянинг маълумотига кўра ЙТҲга автобус ҳайдовчисининг тезликни меъёрдан оширгани сабаб бўлган.
Тезликда келаётган автобус ҳайдовчиси бошқарувни йўқотиб қарама-қарши йўлга чиқиб кетган. Натижада қарама қарши йўналишдан келаётган КАМАЗ русумли юк машинаси билан тўқнашиб кетган. Ҳайдовчи воқеа ойида ҳалок бўлган. Жароҳат олганларнинг барчаси Ўзбекистонлик фуқаролар эканлиги айтилмоқда. Уларга тез тиббий ёрдам кўрсатилган.
Суриштирув давомида Автобус "Прогресс" МЧЖ қишлоқ хўжалик корхонасига тегишли бўлиб умумий 23 нафар ишчиларни олиб кетаётган бўлган.
Айни дамда Нижний Новгород вилоят прокуратураси бўлиб ўтган воқеа юзасидан текширув ўтказмоқда. Воқеа тафсилотлари аниқланмоқда.
Аввалроқ, Россияда ўзбекистонлик эркак ўғирланган машинада автоҳалокатга учрагани ҳамда темирйўлни портлатиш билан “шантаж” қилган эркак қўлга олингани ҳақида хабар берилганди.
Муножат Валиев
