Туркманистон раҳбари бир ҳафтадан бери кўриниш бермаяпти
Манбага кўра, мамлакат раҳбарининг охирги чиқиши анъанавий жума куни Вазирлар Маҳкамасининг мажлисида кузатилган.
Президент Гурбангули Бердимуҳамедов 3 декабрдан бери жамоат майдонига чиқмаяпти. Бу ҳақида hronikatm.com хабар тарқатди.
Ҳар ҳафта, асосан душанба кунлари Ашхобод ҳокими ва вилоятлар раҳбарлари билан учрашувлар ўтказади Гурбангули Бердимуҳамедов бу сафар одатий ишини бажармаган. Яъни, 6 декабр куни Туркманистон президенти ҳеч қандай учрашувда қатнашмаган ва халққа ҳам кўриниш бермаган.
Ажабланарлиси, қўшни давлат ТДХ давлат ахборот агентлиги ҳам 3 декабрдан бери мамлакат президентини тилга олмаган. Бироқ давлат раҳбарининг Германия федерал канцлери лавозимига сайланган Олаф Шольцга йўллаган табриги “кўринмаслик”нинг 8-кунида тарқалгани ҳақида хабарлар мавжуд.
Аввалроқ Туркманистон Президенти мамлакат аҳолисини аномал иссиқдан сақланишга чақиргани ҳамда Шавкат Мирзиёев ва Гурбангули Бердимуҳамедовнинг тор доирадаги музокаралари бўлиб ўтгани ҳақида хабар берилганди.
Оламгир Абдиев
