Намангандаги хонадонлардан бирида газ портлади
Оқибатда 5 киши жароҳатланди.
Бугун, 12 декабрь куни соат 03.20 атрофида Наманган туманидаги хонадонлардан бирида чақнаш оқибатида ёнғин содир бўлди. Бу ҳақда вилоят ФВБ хабар берди.
Чақнаш оқибатида хонадоннинг шифт ва том қисмидан 20 kv.метр жойи ҳамда қисман уй-рўзғор буюмлари ёниб зарарланган. Хонадон эгаси, турмуш ўртоғи ва уларнинг 3 нафар фарзанди куйиш натижасида тан жароҳати олган.
Аниқланишича, яшаш уйига тортиб келинган газ трубаси жўмрагининг носозлиги сабабли ундан табиий газ сизиб чиққан ва хонага тўпланган. Уй бекаси газ ҳидини сезмаган ҳолда электр чироғини ёқиши оқибатида чақнаш содир бўлган.
Ҳозирда содир бўлган чақнаш юзасидан тегровга қадар суриштирув ишлари олиб борилмоқда.
Жавоҳирбек Турсунов
