АҚШда зиёфат пайти отишма содир бўлди
Камида 13 киши яраланган, улар орасида бола ҳам бор.
АҚШнинг Байтаун шаҳрида зиёфатда отишма содир бўлди. Натижада13 киши яраланди. Бу ҳақда Assosiated Press хабар берди.
Маҳаллий шерифнинг сўзларига кўра, меҳмонлар осмонга шарларни учираётган пайтда машина келиб тўхтаган ва оломонга қарата ўқ узган. Гувоҳлардан бирининг айтишича, отишмадан кейин ваҳима бошланган. Қайд этилишича, ярадорлар орасида бола ҳам бор. Жароҳат олганлар вертолётда шифохонага етказилган. Шерифнинг таъкидлашича, аксарият одамлар тасодифий қурбон бўлишлари мумкин. Ҳозирча ҳужум ким томонидан ва нега содир этилгани маълум эмас.
Аввалроқ Колорадо штатидаги мактабда ҳам отишма содир этилган эди. Оқибатда 5 нафар ўқувчи яраланган.
Шунингдек, АҚШда 5 нафар журналистнинг қотилига 345 йил қамоқ жазоси тайинланган эди.
