Австрияда эмланганларга нисбатан локдаун бекор қилинди
Декабрь ойи охирида Вена шаҳрида сайёҳлик муассасалари очилади.
Австрияда давом этаётган карантин чоралари вакцина қабул қилган ва касалликни енгиб ўтганларга нисбатан қўлланилмайди.
Бу ҳақда Австрия туризм бошқармаси хабар берган.
Локдаун мамлакат ҳудудидан босқичма-босқич олиб ташланади. Шунингдек, жорий йилнинг 12 декабридан айрим шаҳарлар сайёҳлар учун иш бошлайди.
Маълумот учун: Австрия пойтахти Венада мажбурий вакцинацияга қарши норозилик намойишлари ҳақида хабар берилганди. Унга кўра, 2022 йилнинг 1 февралидан 14 ёшдан юқори бўлган барча австрияликлар эмланиши шарт.
Эслатиб ўтамиз, аввалроқ Австрияда коронавирусга қарши эмланмаган фуқароларга чекловлар жорий этилгани ҳамда Хитойда яна коронавирус ҳолатлари авж олгани ҳақида хабар берилганди.
Чўлпоной Аҳмедова
