"2021 йил матбуот эркинлиги ҳимоячилари учун оғир йил" — CРJ
Хитой яна дунёдаги энг кўп журналистлар қамоққа олинган давлат бўлди.
Журналистларни ҳимоя қилиш қўмитаси(CPJ) Хитой коммунистик режимини кетма-кет учинчи йилда дунёдаги энг йирик журналистлар назоратчиси/қамоқхонаси сифатида яна бир бор эътироф этди. Ташкилот 2021 йилни “матбуот эркинлиги ҳимоячилари учун оғир йил”, — деб атади.
Пекинда мунозарали Қишки Олимпиада ўйинлари яқинлашиб келаётгани ва инсон ҳуқуқларининг йўқлиги ҳақидаги халқаро танқидлар кундан-кунга кучайиб бораётган бир пайтда, Хитойни журналистларнинг дунёдаги етакчи таъқибчиси сифатида қайта эълон қилган CPJ ҳисоботи қўшилди.
CPJ Хитойни маҳбуслар сони энг кўп бўлган мамлакат сифатида белгилаганига қарамай, ўтган йили дунё бўйлаб қамоқхоналардаги маҳбуслар сонининг кўпайишидан хавотир билдирган эди.
У собиқ озод Гонконгда журналистларга нисбатан тазйиқлар кучайиб бораётгани, ҳукуматнинг CОVID-19 пандемиясига қарши мамлакатда нотўғри муносабатда бўлганини ҳужжатлаштиришга уринаётган хитойлик журналистларнинг ғойиб бўлиши ва Шарқий Туркистонда уйғур халқига нисбатан давом этаётган геноцидни эътибордан четда қолдирмади.
2020 йилда Хитой йирик давлат аппаратида Гонконгнинг ярим автоном шаҳрида одамлар устидан мутлоқ назорат қилиш ҳуқуқини берувчи “миллий хавфсизлик қонуни”ни қабул қилганидан кейин Гонконгдаги таъқиблар кескин кучайди.
Бу қонун “терроризм”, “чет эл аралашувига даъват қилиш” ёки “ҳукумат ҳокимиятига путур етказиш”да айбдор деб топилган ҳар бир киши учун камида ўн йиллик қамоқ жазосини талаб қилади. Бу қоидаларнинг барчаси жуда ноаниқ ва ҳар қандай диссидентга осонлик билан қўлланилиши мумкин.
Мафтуна Режаббоева
