Россияда ҳибсга олинган шахс полициянинг юз ва кўз қисмига тупуриб, сўнг ОИВ вa Сил касалигининг оғир тури билан касалланганини айтган

 

Маълумотларга кўра полиция бўлимига бир гуруҳ гиёҳвандлар кўп қаватли уй ёнида тўпланиб, кимгадир моддаларни истеъмол қилишга мажбур қилишаётгани ҳақида қўнғироқ бўлган. Полиция дарҳол воқеа жойига отланган.

 

Бироқ полиция воқеа жойига етиб келганда у ерда фақатгина Владимир исмли маст эркакнинг ўзи бўлган. Полиция ходими ёлғон хабар бўлгани ҳақида далолатнома тўлдириб унга қўл қўйдираётган вақтида Владимир полициячининг кўзига тупурган ва унга ОИВ ва сил касаллигининг оғир босқичида эканлигини, саноқли умри қолганини айтган.

 

Даҳшатга тушган полиция ходими югуриб бориб йўл четида эримай қолган қорни юз ва кўзига ишқалай бошлаган. Бу вақт Владимир полициячининг машинасига ўтириб хотиржамлик билан жўнаб кетган.

 

Кейинчалик патруль машинаси йўл четида бир неча жойи урилган холда топилган.

 

Аввалроқ, Самолётда безорилик қилган эркак боғлаб қўйилгани ҳамда Россиянинг Виборг шаҳрида 6 нафар маст ўзбекистонлик икки полициячига ташлангани хақида хабар берилганди.

 

Муножат Валиева