Петербургда эркак ўз қизига 2 йил давомида тажовуз қилиб келган
Ҳозирда эркак полиция томонидан қидирилмоқда
Қизининг таъкидлашича, отаси Сергей Симонов йиллар давомида ўз хотини ва саккиз нафар фарзандларини доимий калтаклаб қўпол муомалада бўлган. Уларни ноодатий тарзда жазолаган, оч қолдирган. Болалар жуда озғин ва нимжон бўлишган.
2012 йилда Сергейнинг аёли унинг зулмига чидолмай 8 нафар фарзандини ташлаб золим эрдан қочиб кетган. Ён қўшнилар уларга пул ва кийим-кечак билан ёрдам бериб туришган. Ҳатто вилоят телевидениесидан мухбир ҳам келиб таъсирли репортаж тайёрлаб кетган. Аммо суҳбат давомида болаларнинг ҳеч бири отаси томондан ўтказилаётган зулм ҳақида гапирмаган.
2018 йилда катта қизи балоғат ёшига етгач ота ўз қизни зўрлай бошлаган. Қиз икки йил давомида отаси томондан қилинган таъзиқларга чидаб келган. Сўнг яқинлари ёрдамида ариза ёзишга муваффақ бўлди.
Сергей Симонов қизининг аризасидан сўнг уйдан қочиб кетди. Ҳозир қидирув ишлари олиб борилмоқда.
Аввалроқ Санкт-петербургда ўқувчи қизни зўрлаган ўзбекистонлик фуқаро қўлга олингани ҳақида хабар берилганди.
Муножат Валиева
