“Uzbekistan Airways”нинг Ҳиндистонга парвозлари сони кўпаймоқда

 

2021 йилнинг 24 декабридан бошлаб, авиакомпания Тошкент – Деҳли – Тошкент йўналиши бўйича парвозларни ҳафтанинг сешанба ва жума кунлари амалга оширади.

Парвозлар қуйидаги жадвал асосида ўз манзилига учади:

 

•  HY 421 Тошкент – Деҳли (Тошкент вақти билан): жўнаб кетиш 02:15, манзилга етиб бориш 05:45;

 

•  HY 422 Деҳли – Тошкент (Деҳли вақти билан): жўнаб кетиш 08:15, Тошкентга етиб келиш 10:45;

 

Ушбу  йўналиш бўйича бир томонга авиачипталар нархи 2 миллион 282 минг  850 сўм (багажсиз) ва 2 миллион 612 минг 459 сўм (багаж билан).

Бориш ва қайтиш бўйича авиачипталар 3 миллион 922 минг 586  сўм (багажсиз) ва 4 миллион 435 минг 311  сўм (багаж билан бирга).

 

Чипта нархлари 17 декабрь ҳолатига кўра амал қилади.

 

Авиачипталарни авиакомпаниянинг расмий сайтидан, “Uzbekistan Airways sales” филиалидан ёки авиакомпания агентларидан харид қилиш мумкин. 

 

Маълумот учун: авиакомпаниянинг расмий сайти орқали авиачипта харид қилиб олаётганда 3 фоизли чегирма тақдим этилади.

 

Эслатиб ўтамиз, аввалроқ  “Uzbekistan Airways"да айрим парвозлар бир неча соатга кечиктирилгани  ҳамда  “Uzbekistan Airways” мамлакат ичига қўшимча қатновни йўлга қўйиши ҳақида хабар берилганди.

 

Чўлпоной Аҳмедова