“Қумтор” иши бўйича собиқ президентдан айбловлар олиб ташланди
Асқар Акаевга нисбатан жиноий иш тўхтатилди.
Қирғизистоннинг собиқ президенти олтин конини ўзлаштириш ишидаги мавжуд айбловдан озод этилди. Бу ҳақда Собиқ давлат раҳбарининг ҳамроҳи Бекболот Талгарбеков хабар берди. Шунингдек, у конни ўзлаштириш билан шуғулланган “Centerra Gold Inc.”да бирорта ҳам улушга эга эмаслигини билдирган.
“Қумтор” бўйича келишув “Қирғизалтı” компанияси, ҳукумат ва парламент вакиллари, Жаҳон банки ва Халқаро валюта жамғармаси экспертлари иштирок этган давлат комиссияси томонидан тайёрланган.
Асқар Акаевнинг суд иши ва унинг айбловларини аввалроқ текширмагани ва давлат комиссиясига ишонмаганини камчилик деб билган ва халқдан кечирим сўраган.
Шу билан бирга, у агар тергов жараёнида Акаевга бирон бир савол туғилса, у яна гувоҳ сифатида чақирилиши мумкинлигини таъкидлади.
Маълумот учун: собиқ президент август ва декабрь ойларида сўроқ қилиш учун Бишкекка учиб келган. Ёзда Қирғизистон расмийлари “Қумтор” ишига икки собиқ президент Акаев ва Қурманбек Бакиевлар алоқадорлигини эълон қилган эди. Республиканинг яна икки собиқ раҳбари Алмазбек Атамбаев ва Сооронбай Жеэнбековнинг олдиндан давлат учун ноқулай шартномалар тузишга алоқадорлиги эҳтимоли аниқланмоқда.
Қирғизистон Канаданинг “Centerra Gold Inc.” компаниясига нисбатан молиявий даъволар билан чиққан.
Эслатиб ўтамиз, аввалроқ Акаев “қумтор” Олтин кони билан боғлиқ жиноий иш доирасида Қирғизистонга олиб келингани ҳамда “Қумтор” кони қандай ва нима сабабларга кўра кенг миқёсдаги можаролар марказига айланганиҳақида хабар берилганди.
Чўлпоной Аҳмедова
