Саратовда онаси кўчага ҳайдаб юборган ака-сингиллар қорда музлаб қолди

 

Саратов вилояти Прокудино қишлоғининг маҳаллий аҳолиси қор билан қопланган жардан юпун кийимда ҳушсиз ётган икки болани топиб олиб, тез ёрдам чақирган.

 

Вилоят Соғлиқни сақлаш вазирлиги хабарига кўра, воқеа жойига етиб келган шифокорлар саккиз ёшли боланинг совуқ қотишдан ҳалок бўлгани жасади ва беш ёшли синглисини ўта оғир ҳолатда жонлантириш бўлимига олиб кетган.

 

Воқеа жойига полиция ва тергов бўлими етиб келган. Болалар юпун кийимда қандай қилиб кўчада қолгани ўрганилган. Текширув натижаларига кўра, жиноий иш қўзғатилган.

 

Воқеадан олти соат ўтиб болаларнинг онаси қўлга олинган. Ички ишлар вазирлиги вилоят бош бошқармасининг аниқлик киритишича, аёл Энгелс шаҳрида бўлган.

 

Аёл полиция ходимларига болаларни ўзи кўчага ҳайдаб чиқарганини тан олган.

 

"Мен ўзим уларни уйдан ҳайдаб чиқардим, чунки мен уларнинг келажагини кўрмадим", деган аёл тергов жараёнида. Унинг сўзларига кўра, у бундай қарорга бир неча ойдан бери эри билан давом этаётган ажрашиш жараёнлари сабаб бўлганини билдирган. Эри билан биргаликда улар болаларнинг ким билан қолишлари ҳақида келиша олмаган. 

 

Вилоят раҳбари Валерий Радаев айбдорлар муносиб жазоланиши кераклигини таъкидлаган.

 

Муножат Валиева